Ana səhifə Əvvələ Növbəti
Gültən, ay mənim balacam,
Bilmirəm nə sirdir
Səni ürəyimin bir parçası bilirəm
Bircə an gözün dolanda
Neçə saat yer tapmıram özümə.
Sən mənim geridə qalmış uşaqlığımsan
Bu günümə qayıdıb mənimlə yaşayırsan.
Sən mənim vaxtsız qurumuş arzularımsan
Geri qayıtmısan ki, təzədən pöhrələyəsən.
Sən mənim ürəyimin kədərisən
Geymisən balaca qızımın donunu.
Sən uzaqdan daddığım sevgi payımsan
Yaxınıma gəlmisən ki, həyan olasan mənə
Sən sabahımın parlaq gün işığısan
Istiliyini indidən hiss edirəm.
Sən mənim ürəyimin damarlarısan
Gecə- gündüz ürəyimdən qan ötürürsən
Gültən-sən mənim ikinci adım
Və bala adında ikinci anam....