Nüvədi
( Ermənistanda Azərbaycanlıların yaşadığı sonuncu kənd)
Ələsgər yurduna başdaşı idin,
Ulu tariximin yaddaşı idin.
Qonşu düşmənlərə baş daşı idin-
Yad diyarda vətəndin sən, Nüvədi!
***
Ay-ulduzlu bayraq idin o yerdə
Ümid idin, dayaq idin o yerdə.
Vətən adlı torpaq idin o yerdə
Bundan belə didərginsən, Nüvədi!
***
Gözüm dolub, könlüm ağlar bu axşam
Bir şam idin, daha söndü o ağ şam.
Ağı deyib əgər səni oxşasam
Deyərəm ki, sabah nəsən, Nüvədi?!
***
Babaların ruhu ağlar o yurdda,
Erməni, evin dağılar o yurdda.
Gün gələr ki, el qayıdar o yurda
Türk tərindn cücərərsən, Nüvədi!
15-16 avqust 1991