Şeirlərim, Ürəyimin Göz Yaşları

"Mən Göylər Qızı İdim"

İlk dəfə Zərdabda, əyalət qəzetində çap olunan Sevil xanımın şeirlərinin sorağı sonradan Azərbaycan mətbuatından, eləcə də Türkiyədən, Almaniyadan gəlməyə başlayır. Təxəllüsünün də “baiskarı” Türkiyədə çap olunan şeirləri olub. Bunu Sevil xanım belə xatırlayır: “1990-cl ildə İstanbulda, "Sizə" dərgisində şerlərim çap olunmuşdu. Həmin dərginin sahibinin adı Gültən Çiçək idi. Xoşum gəldi Gültən adından. Kiçik qızımın adını Gültən qoydum.Sonra qızımın adını təxəllüs götürdüm.”

Şeirlərini ürəyinin göz yaşları adlandırır. "Şeirlərim ürəyimin göz yaşlarıdır. Bir sərt baxışdan, cavabsız sevgidən, solmuş ümiddən, həsrətdən payız buludu kimi dolub-boşalan ürəyimin göz yaşları..."

Bu günə kimi Sevil Gültənin 3 şeir kitabı nəşr olunub.
1. “Küsüb getmək istəyirəm dünyadan”
2. “Ürəyimin göz yaşları”
3. “Bir aldanmış ürəyim var”

Eyni zamanda müxtəlif vaxtlarda yazdığı şeirlərdən ibarət "Mən göylər qızıyam" adlı elektron kitabın müəllifidir.

Hamlet İsaxanlı:

"Azərbaycan xalqının böyük qisminin şeir yazdığı, peşəkar adlanan şairlərlə həvəskar adlanan şairlərin arasındakı fərqlərin az qala yoxa çıxdığı bir dövrdə həqiqətən istedadlı şairlərə, tutarlı fikirlə zərif formanı birləşdirə bilən şairlərə ehtiyac duyulur. Sevil xanımın şeirləri seviləcək, düşündürəcək, ağlada bilmək qüdrəti ilə yadda qalacaq, buna şübhəm yoxdur.
İstedadlı şairə Sevil xanım, Sevil Gültən insana, təbiətə, şeirə vurğundur. Bu vurğunluğun və talenin qaladığı yanğının yeni gözəl şeirlər doğurmasını arzulayıram."

1 fevral 2003-cü il. “Xəzər-Xəbər” jurnalı

Şeirlərim, Ürəyimin Göz Yaşları

Şeirlərim, Ürəyimin Göz Yaşları...

"Mən Göylər Qızı İdim"

Hamlet İsaxanlı:

Şeirlər

Bir Lalın Dil Açan Duyğuları